ԱԱ-2022-ի խմբային փուլի Բելգիայի և Մարոկկոյի հավաքականների հանդիպման (0:2) ավարտից հետո Բրյուսելում անկարգություններ են սկսվել, փոխանցում է Sport-express-ը։
Փողոցներ է դուրս եկել արդյունքից դժգոհ ամբոխը, սկսել հրկիզել մեքենաներ, ջարդել ցուցափեղկեր, դյուրավառ նյութեր նետել ոստիկանների ուղղությամբ։
Ամբոխը ցրելու համար ոստիկանությունը կիրառել է ջրցան մեքենաներ, արցունքաբեր գազ և լուսաձայնային նռնակներ։
Դադարեցվել է նաև մետրոյի և տրամվայի աշխատանքը։
Բրյուսելի քաղաքապետ Ֆիլիպ Կլոզեն ֆուտբոլասերներին հորդորել է հեռու մնալ քաղաքի կենտրոնից և ասել, որ իշխանություններն անում են ամեն ինչ՝ փողոցներում կարգուկանոն պահպանելու համար։
