Երևանի առաջին ատյանի ընդհանուր իրավասության դատարանի Ավանի նստավայրում այսօր՝ նոյեմբերի 10-ին, նախագահությամբ Վահե Միսակյանի, ընթանում էր ՀՀ երրորդ նախագահ Սերժ Սարգսյանի, «Ֆլեշ» ընկերության սեփականատեր Բարսեղ Բեգլարյանի և գյուղնախարարության բուսաբուծության վարչության նախկին պետ Գևորգ Հարությունյանի գործով դատական նիստը։
Հարցաքննության համար դատարանի դահլիճ էր եկել վկա Սևան Քոչարյանը: Վերջինիս հարցաքննություն անավարտ էր մնացել, քանի որ նա ուներ լսողական խնդիրներ:
Նիստին նրա ներկայացուցիչը հայտնեց որ խնդիրտ չի լուծել և նա չունի լսողական համապատասխան սարքեր:
«Բավարար ժամանակ կար, որ խնդիրը լուծեիք, ի՞նչն է պատճառը, որ չեք կարողացել լուծել»-վկային հարցրեց դատավորը:
Հարցին ի պատասխան Սևան Քոչարյանի ներկայացուցիչն ասաց, որ իր վստահորդն իրեն ասել է, որ դատարանի դահլիճում արձագանք կա, որի պատճառով չի լսում նաև լսողական սարքերով:
Որոշվեց, որ հարցաքննության ժամանակ, եթե որևէ բան չլսի վկան, նրա ներկայացուցիչը ավելի մոտ կնստի և կփոխանցի:
Դատավոր Վահե Միսկարյանը հայտնեց, որ նույնիսկ որոշում էր կայացվել, որ վկա Քոչարյանին բերման ենթարկեն դատարան, քանի որ նա անպատասխան է թողել բոլոր զանգերը և չի ստացել դարանի ծանուցումները:
Վկա Քոչարյանը հայտնեց, որ հաջորդ դատական նիստերին կներկայանա:
Դատական նիստը հետաձգվեց, քանի որ Բարսեղ Բեգլարյանի ներկայացուցիչը չէր եկել դատական նիստին, առողջական խնդիրների պատճառով:
