Ռուսաստանը կանի ամեն ինչ Հայաստանի և Ադրբեջանի միջև հարաբերությունները կարգավորելու, հակամարտությանը վերջ տալու համար, ասել է ՌԴ նախագահ Վլադիմիր Պուտինը։
Հոկտեմբերի 31-ին Սոչիում կայացել է Պուտինի, Հայաստանի վարչապետ Նիկոլ Փաշինյանի և Ադրբեջանի առաջնորդ Իլհամ Ալիևի եռակողմ հանդիպումը։
«Ռուսաստանն իր հերթին կանի ամեն ինչ՝ վերջնական և համապարփակ կարգավորման հասնելու համար»,- ասել է Պուտինը բանակցություններից հետո։
Նա շնորհակալություն է հայտնել Փաշինյանին և Ալիևին, որ համաձայնել են գալ Ռուսաստան բանակցությունների։
«Ինչպես պայմանավորվել ենք, մենք կապի մեջ կլինենք, մենք կշարունակենք այս երկխոսությունը և կշարունակենք փնտրել այն լուծումները, որոնք անհրաժեշտ են այս երկարատև հակամարտությանը վերջ դնելու համար»,- հավելել է Պուտինը։
