ՌԴ նախագահ Վլադիմիր Պուտինը Ադրբեջանի նախագահ Իլհամ Ալիևի հետ եռակողմ բանակցություններից հետո ասել է, որ համաձայնեցվել է համատեղ հայտարարություն։
«Մեր ընդհանուր կարծիքով՝ շատ օգտակար հանդիպում էր։ Այն լավ մթնոլորտ է ստեղծել որոշ հիմնարար հարցերի շուրջ ապագա հնարավոր պայմանավորվածությունների համար։ Այսօր մենք պայմանավորվեցինք համատեղ հայտարարության շուրջ։ Անկեղծ պետք է ասեմ, որ ամեն ինչ չէ, որ հաջողվեց համաձայնեցնել։ Որոշ բաներ հեռացվել են՝ նախապես մասնագետների մակարդակով մշակված տեքստից»,- ասել է Պուտինը։
Նրա խոսքով, այնուամենայնիվ, հանդիպումն օգտակար էր, և դա պայմաններ է ստեղծում իրավիճակի հանգուցալուծման հետագա քայլերի համար։
«Ռուսաստանն իր հերթին կանի ամեն ինչ՝ վերջնական և համապարփակ կարգավորման հասնելու համար», – ասել է Պուտինը։
Ըստ ՌԴ նախագահի՝ կողմերը պայմանավորվել են, որ «շփվելու են․ կշարունակեն այս երկխոսությունը, կշարունակեն լուծումներ փնտրել, որոնք անհրաժեշտ են այս երկարատև հակամարտությանը վերջ դնելու համար»:
