ԱՄՆ նախագահ Ջո Բայդենը «ձայնը բարձրացրել է» Ուկրաինայի նախագահ Վլադիմիր Զելենսկու հասցեին իր հունիսյան հեռախոսազրույցներից մեկի ժամանակ, երբ նա խնդրել է ԱՄՆ-ին ավելի շատ զենք մատակարարել Կիևին։ Այս մասին գրում է NBC News-ը՝ հղում անելով աղբյուրներին։
Ըստ հրապարակման՝ Բայդենը Զելենսկիին զրույցի ընթացքում ասել է, որ ինքը հենց նոր հաստատել է Ուկրաինային օգնության ևս մեկ միլիարդ դոլար տրանշը, որից հետո Զելենսկին սկսել է ցուցակագրել անհրաժեշտ զենքերը, որոնք Կիևը խնդրել էր, բայց դեռ չէր ստացել։
Նման խոսքերը, ըստ NBC News-ի, «զայրացրել են» Ամերիկայի նախագահին։ Բայդենն իր զրուցակցին ասել է, որ կարող էր ավելի շատ երախտագիտություն ցուցաբերել ցուցաբերած օգնության համար, քանի որ ամերիկացի ժողովուրդը «միևնույնն է շատ առատաձեռն է եղել», իսկ Սպիտակ տունն ու Պենտագոնը «շատ են աշխատել» Ուկրաինային օգնելու համար։ .
Այդ զրույցից հետո Զելենսկին հրապարակային հայտարարություն է արել՝ շնորհակալություն հայտնելով Միացյալ Նահանգներին «առատաձեռն օգնության համար»։ Դրանից հետո նախագահների հարաբերությունները միայն բարելավվել են, գրում է NBC News-ը։
