Քաղաքաշինության կոմիտեն հանրային քննարկման է ներկայացրել Կառավարության որոշումներից մեկում փոփոխություններ կատարելու մասին նախագիծ։
Նախագծով առաջարկվում է՝ սահմանել պետական և մշակութային գործիչների գերեզմանատեղի կազմակերպման օրինակելի ձևը, ինչպես նաև հուշաքարերին, հուշատախտակներին, հուշասյուներին և մահարձաններին ներկայացվող նվազագույն և առավելագույն թույլատրելի հարաչափերը:
«Հուշաքարի, կամ հուշասյան, կամ մահարձանի պատրաստման և տեղադրման, ինչպես նաև գերեզմանի բարեկարգման աշխատանքների իրականացման համար մշակվում է էսքիզային նախագիծ համաձայն N 1 ձևով սահմանված չափորոշիչների: Էսքիզային նախագծով առաջարկված տարբերակի իրականացման համար ֆինանսական միջոցների հաշվարկը չպետք է գերազանցի 2277.41 հազ. դրամ հաստատագրված գումարը»,-նշված է նախագծում։
