Եյսկում բնակելի շենքի բակում Սու-34 ռմբակոծիչի կործանման հետևանքով երեք մարդ է զոհվել, հայտնում է Կրասնոդարի երկրամասի վարչակազմը, գրում է «ՌԻԱ Նովոստին»։
Տարածաշրջանային օպերատիվ շտաբից հայտնել են, որ վիրավորվել է 19 մարդ, նրանցից 4-ի վիճակը ծանր է։ Վիրավորների թվում եղել են 8-10 տարեկան 3 երեխա։
Ռուսաստանի պաշտպանության նախարարության Սու-34 ռմբակոծիչը հոկտեմբերի 17-ի երեկոյան վթարի է ենթարկվել Եյսկում 9 հարկանի բնակելի շենքի բակում։ Վթարի ժամանակ ինքնաթիռի զինամթերքը պայթել է։
Հրդեհը տարածվել է բարձրահարկ շենքով։
Հիշեցնենք, որ օդաչուները հասցրել են պարաշյուտներով ցած նետվել։
