ԽՍՀՄ ժողովրդական արտիստ, երգչուհի Ալլա Պուգաչովան դիմել է Ռուսաստանի Դաշնության արդարադատության նախարարությանը՝ խնդրելով իրեն ավելացնել օտարերկրյա գործակալների ցուցակում։

«Խնդրում եմ ինձ գրանցել իմ սիրելի երկրի օտարերկրյա գործակալների շարքերում»,- ասվում է Instagram-ում հրապարակված կոչում:

Նշենք, որ սեպտեմբերի 16-ին ՌԴ արդարադատության նախարարությունը ֆիզիկական անձանց-օտարերկրյա գործակալների ցուցակում ներառել է Պուգաչովայի ամուսնուն՝ հեռուստահաղորդավար Մաքսիմ Գալկինին։

Ամուսինները դեմ են արտահայտվել ՌԴ-ի կողմից Ուկրաինայի տարածքում սկսված «հատուկ օպերացիային»։ Գալկինը իր համերգների ամբողջ շահույթը փոխանցում է ՌԴ գործողություններից տուժած ուկրաինացիներին։