Վլադիմիր Պուտինը մասնակցել է Արեւելյան տնտեսական ֆորումի լիագումար նիստին, այս տարվա միջոցառման թեման է «Դեպի բազմաբեւեռ աշխարհ»։ Այս մասին տեղեկանում ենք РИА Новости-ից:
Իր խոսքում Պուտինն ասել է, որ կորոնավիրուսի համաճարակին փոխարինելու են եկել այլ գլոբալ խնդիրներ:
«Ես նկատի ունեմ Արևմուտքի պատժամիջոցային տենդը, նրա անթաքույց, ագրեսիվ փորձերը՝ այլ երկրներին վարքագծի ձևեր պարտադրելու, նրանց ինքնիշխանությունից զրկելու և իրենց կամքին ենթարկելու նրա փորձերը», – ընդգծել է պետության ղեկավարը։
Նա նշել է, որ դա հանգեցրել է դոլարի, եվրոյի և ֆունտ ստերլինգի նկատմամբ վստահության նվազմանը:
Պետության ղեկավարն ընդգծել է, որ այդ գործընթացների կատալիզատորն է եղել Վաշինգտոնի ազդեցության նվազումը համաշխարհային տնտեսության և քաղաքականության գործընթացների վրա։
Պուտինը նշել է, որ ամռանը կնքված Ստամբուլի պարենային գործարքը չի հասնում իր հայտարարած նպատակներին: Ուկրաինայի կողմից դրա շրջանակներում արտահանվող գրեթե ողջ սննդամթերքը գնում է Եվրոպա, այլ ոչ թե կարիքավոր երկրներ։
«Եթե Թուրքիային բացառենք որպես միջնորդ երկիր, ապա Ուկրաինայից արտահանվող գրեթե ողջ հացահատիկը ուղարկվում է ոչ թե զարգացող և ամենաաղքատ երկրներ, այլ ԵՄ երկրներ: ՄԱԿ-ի Պարենի համաշխարհային ծրագրի համաձայն, որն ուղղակի ենթադրում է առավելագույն օգնություն կարիքավոր երկրները, դա եղել է ընդամենը երկու նավ, ընդգծեմ՝ 87-ից միայն երկուսը։ Եվ երկու միլիոն տոննայից 60 հազար տոննա պարեն են տեղափոխել։ Այսինքն միայն երեք տոկոսն է ուղարկվել զարգացող երկրներ»,-ասել է Պուտինը:
Պուտինը եվրոպական երկրների նման քաղաքականությունն անվանել է նրանց գաղութային անցյալի շարունակություն։
Նախագահն ընդգծել է, որ համաշխարհային շուկաներում գների աճը կարող է իսկական ողբերգություն դառնալ ամենաաղքատ երկրների մեծ մասի համար։ Այսպիսով, ՄԱԿ-ի տվյալներով, եթե 2019 թվականին աշխարհում 135 միլիոն մարդ սննդի սուր պակաս է ունեցել, ապա այժմ նրանց թիվը 345 միլիոն է։
«Ամենաաղքատ պետությունները լիովին կորցնում են հասանելությունը դեպի ամենակարեւոր պարենային ապրանքները, քանի որ զարգացած երկրների կողմից գնումները հրահրում են գների կտրուկ աճ»,- ասել է պետության ղեկավարը։
Նախագահն իր ելույթում ասել է, որ Ռուսաստանում տարեկան գնաճն այժմ փոքր-ինչ գերազանցում է 14 տոկոսը, և նկատվում է նվազման միտում։
Պետության ղեկավարը նշել է, որ Ռուսաստանում տնտեսական իրավիճակը կայունացել է, սակայն դեռ խնդիրներ կան՝ կապված դրսից մատակարարումների հետ։ Կայունացված են նաև արժութային և ֆինանսական շուկաները, գործազրկության մակարդակը պատմական նվազագույնի է՝ չորս տոկոսից պակաս։
«Մենք ոչ մի բան չենք սկսել ռազմական գործողությունների առումով, այլ միայն փորձում ենք ավարտին հասցնել: Ուկրաինայում ռազմական գործողությունները սկսվել են 2014 թվականի պետական հեղաշրջումից հետո նրանց կողմից, ովքեր չէին ցանկանում նորմալ խաղաղ զարգացում և ձգտում էին ճնշել սեփական ժողովրդին՝հրահրելով ռազմական գործողություններ մեկը մյուսի հետևից, ինչպես նաև Դոնբասում ապրող ժողովրդին 8 տարի շարունակ ցեղասպանության ենթարկել»։
Երկրի ղեկավարն ընդգծել է, որ խնդիրը խաղաղ ճանապարհով լուծելու բազմակի փորձերից հետո Ռուսաստանը որոշել է հայելային կերպարով պատասխանել, այսինքն հարցերին լուծում տալ զենքի գործադրմամբ:
Պուտինի խոսքով՝ դա արվել է գիտակցաբար, և բոլոր գործողություններն ուղղված են Դոնբասում ապրող մարդկանց օգնելուն։
