Պաշտպանության նախարարությունը (այսուհետ` ՊՆ) հայտարարում է արտաքին մրցույթ  ՊՆ զորակոչային և զորահավաքային համալրման ծառայության Լոռու մարզի տարածքային ստորաբաժանման զորակոչի բաժանմունքի պետի (ծածկագիր` 26-33.8-Ղ4-14) քաղաքա­ցիական ծառայության թափուր պաշտոնն (այսուհետ` պաշտոն) զբաղեցնելու համար:

Պաշտոնի բնութագրի, պաշտոնն զբաղեցնող քաղաքացիական ծառայողի համար սահմանված իրավունքների, պարտականությունների, պաշտոնին ներկայացվող պահանջների` պաշտոնի համար պահանջվող կրթության, աշխատանքային ստաժի, մասնագիտական գիտելիքների, կոմպետենցիաների, ինչպես նաև աշխատանքի կազմակերպման լիազորությունների և ղեկավարման շրջանակների մասին տեղեկատվությունը ներառված է պաշտոնի անձնագրում, որի Էլեկտրոնային տարբերակը կցված է https://cso.gov.am/ կայքէջում հրապարակված հայտարարու­թյանը:

Մրցույթի թեստավորման փուլը կանցկացվի 2022 թվականի հոկտեմբերի 19-ին, ժամը 15:00-ին`  Վարչապետի աշխատակազմի քաղաքացիական ծառայության գրասենյակի վարչական շենքում (հասցե` ք. Երևան, Տերյան 89 ):

Մրցույթի հարցազրույցի փուլը կանցկացվի «Հարցարան» ձևաչափով՝ 2022 թվականի հոկտեմբերի 21-ին, ժամը 10:00-ին`  ՊՆ վարչական համալիրում (հասցե` ք. Երևան, Բագրևանդի 5):

Հիմնական աշխատավարձը` 256623 (երկու հարյուր հիսունվեց հազար վեց հարյուր քսաներեք) դրամ է` ներառյալ եկամտահարկը:

Նշված պաշտոնին հավակնող անձը պետք է լինի` բարեկիրթ, պարտաճանաչ, հավասարակշռված, գործնական, ունենա նախաձեռնողականություն և պատասխանա­տվության զգացում:

Թեստում ընդգրվող մասնագիտական գիտելիքների վերաբերյալ թեստային առաջա­դրանք­ները կազմված են հետևյալ բնագավառներից`

• Սահմանադրություն. Հոդվածներ` 8, 12, 14, 17, 21, 28, 34, 41, 57, 110, 177, 179, 180, 181

հղումը` https://www.arlis.am/DocumentView.aspx?DocID=143723

• «Պաշտպանության մասին» ՀՀ օրենք. Հոդվածներ` 5, 6, 7, 9, 10, 15, 16, 23, 26

           հղումը`  https://www.arlis.am/DocumentView.aspx?DocID=147117

• «Զինվորական ծառայության և զինծառայողի կարգավիճակի մասին» ՀՀ օրենք.

 Հոդվածներ` 3, 4, 5, 6, 7, 9, 10, 15, 30, 35, 36, 39, 54, 61. 70, 71

 հղումը` https://www.arlis.am/DocumentView.aspx?DocID=158649

• «ՀՀ քաղաքացիական ծառայության մասին» ՀՀ օրենք. Հոդվածներ` 3, 6, 7, 9, 10, 13, 19, 22

           հղումը` https://www.arlis.am/DocumentView.aspx?DocID=131341

• «Այլընտրանքային ծառայության մասին» ՀՀ օրենք. Հոդվածներ` 2 ,3 ,4, 6, 14

           հղումը` https://www.arlis.am/DocumentView.aspx?DocID=123346

• «Գրավոր խոսք», Վազգեն Գաբրիելյան, երրորդ լրամշակված հրատարակություն, Լիմուշ հրատարակչություն, Երևան 2012թ., էջեր` 58, 64, 71, 82-84, 93-98, 108, 174, 190-191, 224, 226, 231, 261, 265, 268,

հղումը`  http://parliament.am/library/books/gravor-khosq.pdf

• Ինֆորմատիկա 7-րդ դասարան, դասագիրք հանրակրթական դպրոցի համար: Ս.Ս. Ավետիսյան, Ս.Վ. Դանիելյան: Երևան 2012, պարագրաֆներ՝  1.1, §1,2, §1,3, §1,5, §2,3, §3,3, §3,4, §6,6,

հղումը`  http://fliphtml5.com/fumf/egdx

Թեստում ընդգրկվող կոմպետենցիաների վերաբերյալ թեստային առաջադրանքները կազմված են տվյալ պաշտոնի համար սահմանված և ՀՀ կառավարության պաշտոնական  կայքէջում՝ https://www.gov.am/am/announcements/item/346/ հրապարակված ընդհան­րա­կան կոմպետենցիաներից, մասնավորապես՝

• «Բարեվարքություն» կոմպետենցիա,

հղումը՝ հղումը՝  https://www.gov.am/u_files/file/Haytararutyunner/3.pdf

• «Աշխատակազմի կառավարում» կոմպետենցիա,

հղումը՝ https://www.gov.am/u_files/file/Haytararutyunner/1.pdf

• «Խնդրի լուծում» կոմպետենցիա,

հղումը՝ https://www.gov.am/u_files/file/Haytararutyunner/4.pdf

• «Որոշումների կայացում» կոմպետենցիա,

հղումը՝ https://www.gov.am/u_files/file/Haytararutyunner/7.pdf

Մրցույթին մասնակցել ցանկացող ՀՀ քաղաքացիները փաստաթղթերը ներկայացնում են էլեկտրոնային եղանակով` քաղաքացիական ծառայության գրասենյակի կայքէջի՝ https://cso.gov.am/ միջոցով:

Էլեկտրոնային եղանակով դիմում ներկայացնելու համար անհրաժեշտ է այցելել  https://cso.gov.am/ կայքէջի «Գլխավոր» էջի «Մրցույթների հայտարարություններ» բաժնի «Ղեկավար և մասնագիտական» ենթաբաժին: Ծանոթանալով մրցույթի մասին հրապարակված հայտարարության բովանդակությանը և տվյալ պաշտոնի անձնագրին՝ քաղաքացին կարող է հայտարարության տեքստի վերջում նշված «Դիմել» ստեղնի օգնությամբ ներկայացնել էլեկտրոնային դիմում: Սեղմելով «Դիմել» ստեղնը՝ բացվում է «Մուտք» պատուհանը, որտեղ անհրաժեշտ է լրացնել վավեր էլեկտրոնային փոստի հասցե, գաղտնաբառ և սեղմել «Գրանցվել» կոճակը, եթե առաջին անգամ է դիմում ներկայացվում վերոնշյալ կայքէջի միջոցով, իսկ եթե արդեն գրանցված է, անհրաժեշտ է սեղմել «Մուտք» կոճակը:

Հաջորդ քայլով անհրաժեշտ է բացված պատուհանի վերևի աջ անկյունում՝ «Իմ էջը» բաժնում («Ծանուցումներ» (զանգակ նշանի տեսքով է)  բաժնի կողքը), լրացնել անձնական տվյալները և «Կրթություն», «Օտար լեզուներ», «Համակարգչային ծրագրեր» բաժինները, պարտադիր լրացման ենթակա բոլոր դաշտերը, կցել հայտարարության մեջ նշված անհրաժեշտ փաստաթղթերի լուսապատճենները, լուսանկարը և սեղմել «Պահպանել փոփոխությունները» ստեղնը:

Լրացնելով «Իմ էջի» անձնական տվյալները, կցելով անհրաժեշտ փաստաթղթերը՝ անհրաժեշտ է արդեն իսկ գրանցված օգտատիրոջ էջում՝ «Մրցույթներ» բաժնում գտնել կոնկրետ պաշտոնի համար անցկացվող մրցույթի մասին հրապարակված հայտարարությունը և «Գործողություններ» ենթաբաժնի ներքո նշված «Դիմել» ստեղնով ներկայացնել դիմումը, որից անմիջապես հետո քաղաքացին ստանում է  ծանուցում դիմումն ընդունվելու մասին:

Դիմումի կարգավիճակի մասին տեղեկատվություն կարելի է ստանալ նաև օգտատիրոջ անձնական էջի «Մրցույթներ» բաժնի «Հայտարարություններ» ենթաբաժնում կոնկրետ պաշտոնի համար հայտարարված մրցույթի տողում «Գործողություններ» ենթաբաժնի ներքո գրառումից. նշված հատվածում՝

ա) եթե ակտիվ է «Դիմել» ստեղնը, ապա դիմումը դեռևս գրանցված չէ,

բ) եթե ակտիվ է «Իմ դիմումը» ստեղնը, ապա դիմումը ներկայացված է Քաղաքացիական ծառայության գրասենյակ, և այն ուսումնասիրման փուլում է,

գ) եթե ակտիվ է «Խմբագրել» ստեղնը, ապա անհրաժեշտ է խմբագրել դիմումը՝ շտկելով փաստաթղթերի թերություններն ու սխալները, և կրկին ներկայացնել այն:

Ներկայացված փաստաթղթերի ուսումնասիրության արդյունքում հնարավոր է փաստաթղթերը հետ վերադարձվեն քաղաքացուն՝ խմբագրման համար: Նման դեպքում քաղա քացին պարտավոր է ծանուցումն ուղարկելուց հետո՝ 2 (երկու) աշխատանքային օրվա ընթացքում կրկին դիմել՝ վերացնելով փաստաթղթերի թերություններն ու ուղղելով սխալները, որոնց մասին քաղաքացին ծանուցվում է «Իմ էջի» «Ծանուցումներ» բաժնի և էլեկտրոնային փոստի միջոցով: Փաստաթղթերի թերությունների և սխալների մասին մեկնաբանությունը քաղաքացին կարող է տեսնել՝ բացելով «Իմ էջի» «Մրցույթներ» բաժնի   համապատասխան հայտարարության հերթական համարից առաջ դրված ⊕ նշանը:

Փաստաթղթերը խմբագրելու համար անհրաժեշտ է այցելել «Անձնական էջ»-ի «Մրցույթներ» բաժնի «Հայտարարություններ» ենթաբաժին, ընտրել կոնկրետ պաշտոնի համար հրապարակված հայտարարությունը, «Գործողություններ» ենթաբաժնի ներքո նշված «Խմբագրել» կոճակը սեղմել, կատարել փոփոխությունները և ներքևում նշված «Դիմել» կոճակի միջոցով դիմումը կրկին ներկայացնել:

Համակարգում գրանցվելուց հետո քաղաքացին իր «Անձնական էջ» կարող է մուտք գործել՝ այցելելով https://cso.gov.am/ կայքէջի «Գլխավոր» էջի «Մուտք» բաժին կամ  https://hartak.cso.gov.am/  հղումի  «Անձնական էջ» բաժինը, որտեղ անհրաժեշտ է լրացնել գրանցված էլեկտրոնային փոստի հասցեն և գաղտնաբառը:

Մրցույթին մասնակցելու համար անհրաժեշտ փաստաթղթերն են`

• դիմում (ձևը լրացվում է էլեկտրոնային եղանակով),
• անձնագրի, սոցիալական քարտի և/կամ նույնականացման քարտի լուսապատճենները (եթե անձը  նույնականացման կամ սոցիալական քարտ չի ներկայացնում, ապա անհրաժեշտ է ներկայացնել անձին հանրային ծառայության համարանիշ տրամադրելու մասին տեղեկանքի կամ հանրային ծառայության համարանիշի տրամադրումից հրաժարվելու մասին տեղեկանքի  լուսապատճենը),
• բարձրագույն կրթությունը հավաստող փաստաթղթի լուսապատճենը,
• աշխատանքային գործունեությունը հավաստող փաստաթղթի լուսապատճենը,
• արական սեռի անձինք՝ նաև զինվորական գրքույկի՝ գրառում արված բոլոր էջերի լուսապատճենները կամ դրան փոխարինող ժամանակավոր զորակոչային տեղամասին կցագրման վկայականի լուսապատճենը,
• 3X4 չափսի լուսանկարի լուսապատճենը։

Մրցույթին մասնակցելու համար առցանց դիմումների ընդունման վերջնաժամկետն է 2022 թվականի սեպտեմբերի 8-ը, ժամը 24:00-ն:

Մրցույթներին մասնակցել ցանկացող քաղաքացիները հարցերի և լրացուցիչ տեղեկություն­ների համար կարող են դիմել ՊՆ կադրային և ռազմակրթական քաղաքականության գլխավոր վարչություն (հասցե` ք. Երևան, Բագրևանդի 5, հեռախոսահամար` 010-29-44-28):