Բելառուսի նախագահ Ալեքսանդր Լուկաշենկոն մտահոգություն է հայտնել, որ Արևմուտքը քայլեր է ձեռնարկում Ուկրաինան մասնատելու ուղղությամբ, փոխանցում է ТАСС-ը։
«Մենք անհանգստացած ենք, որ նրանք՝ լեհերը, ՆԱՏՕ-ի անդամները, պատրաստ են դուրս գալ և խլել, ինչպես մինչև 1939 թվականը, Արևմտյան Ուկրաինան։ Սա մեզ անհանգստացնում է ոչ միայն այսօրվա անվտանգության տեսանկյունից։ Սա է նրանց ռազմավարությունը։ Արևմտյան Բելառուսը նույնպես, հետևաբար, մենք ուշի ուշով հետևում ենք գործընթացներին»,- ասել է Լուկաշենկոն ՌԴ նախագահ Վլադիմիր Պուտինի հետ հանդիպմանը։
«Եվ, ինչպես ասացի, ուկրաինացիները դեռ պետք է մեզ խնդրեն, որ թույլ չտանք, որ արևմտյան հատվածը և մյուս մասերն անջատվեն Ուկրաինայից»,- հավելել է նա։
Ըստ Լուկաշենկոյի, այս ռազմավարությունը, ի թիվս այլ բաների, տագնապալի է, քանի որ այն կարող է կիրառվել նաև արևմտյան Բելառուսի վրա։
