Դպրոցում երեխայի ֆիզիկական առկայությունը բոլորովին չի նշանակում, որ նա այդ ընթացում սովորում է. Ժաննա Անդրեասյան

Կրթության, գիտության, մշակույթի և սպորտի նախարարի տեղակալ Ժաննա Անդրեասյանը ֆեյսբուքյան իր էջում գրել է.

«Այսօր կրթության միջազգային օրն է։

Ժամանակն է, որ մեր երկրում էլ, խոսելով կրթության իրավունքի մասին, խոսենք առաջին հերթին որակյալ կրթության իրավունքի մասին՝ չբավարարվելով ուսումնական հաստատության ֆիզիկական առկայությամբ, որտեղ փաստացի կրթություն չի իրականացվում կամ իրականացվում է շատ վատ որակի կրթություն։

Կարևոր է նաև, որ որակյալ կրթության իրավունքին զուգընթաց դնենք սովորելու իրավունքի խնդիրը, որի դեպքում կարևոր է ոչ թե դպրոցում անցկացրած ժամանակը, այլ այն ժամանակը, որի ընթացքում ինչ-որ բան սովորում ես։ Դպրոցում երեխայի ֆիզիկական առկայությունը բոլորովին չի նշանակում, որ նա այդ ընթացում սովորում է, ու դրանով իսկ մեր առաջ դնում հավելյալ պատասխանատվություն՝ դպրոցն իրապես սովորելու միջավայր դարձնելու»,- գրել է նա։

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել