Հունվարի 11-ից 13-ը ԱԻՆ ՓԾ ճգնաժամային կառավարման ազգային կենտրոնում 19 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Այս մասին հայտնում են արտակարգ իրավիճակների նախարարությունից:
Մասնավորապես՝ Արագածոտնի մարզի Ապարան քաղաքում, Հարթավան և Երնջատափ գյուղերում, Սյունիքի մարզի Կապան, Կոտայքի մարզի Չարենցավան քաղաքներում, Սոլակ գյուղում, Գեղարքունիքի մարզի Ծաղկաշեն, Շիրակի մարզի Աշոցք գյուղերում, Սալուտ-Վարդաղբյուր, Վարդաղբյուր-Մուսայելյան, Երևան-Մեղրի, Ամասիա-Բերդաշեն և Գետափ-Մարտունի ավտոճանապարհներին։
Դեպքի վայր ժամանած փրկարարներն արգելափակումից դուրս են բերել 27 ավտոմեքենա և 72 քաղաքացու ցուցաբերել համապատասխան օգնություն։
