Աշխատանքային հինգշաբթին Արագածոտնի մարզպետարանում ամփոփվեց նիստով, որում Արագածոտնի նախկին մարզպետ Ռազմիկ Պետրոսյանը աշխատակազմին ներկայացրեց նորանշանակ մարզպետ Սերգեյ Մովսիսյանին։
Այս մասին հայտնում են Արագածոտնի մարզպետարանից:
Ռազմիկ Պետրոսյանը շնորհավորեց ու արգասաբեր աշխատանք մաղթեց Սերգեյ Մովսիսյանին։
Նորանշանակ մարզպետն իր ելույթում նշեց․
«Պարոն Պետրոսյան, ինձ համար մեծ պատիվ է Ձեզ փոխարինելը։Դուք այս գործում նշաձող եք սահմանել՝ լավագույնս ղեկավարելով մարզը։ Ձեզ փոխարինելը մեծ պատասխանատվություն է»։
Նիստի երկրորդ հատվածում փոխմարզպետների, գլխավոր քարտուղարի, մարզպետի խորհրդականների և օգնականների մասնակցությամբ վարչության պետերն ու բաժնի ղեկավարները ներկայացրին ընթացիկ աշխատանքները։
