Aliq.ge-ն հայտնում է, որ Վրաստանի խորհրդարանում այսօր՝ դեկտեմբերի 29-ին կայացած քվեարկության արդյունքում, խորհրդարանի նախագահի պաշտոնում ընտրվել է Շալվա Պապուաշվիլին։ Պապուաշվիլիի թեկնածության օգտին քվեարկել է 88 պատգամավոր, դեմ է եղել 1 պատգամավոր։
Հատկանշական է նաև, որ ընդդիմությունը նույնպես աջակցել է Շալվա Պապուաշվիլիի թեկնածությանը։
Պապուաշվիլին շնորհակալություն է հայտնել խորհրդարանի մեծամասնության անդամներին և խորհրդարանի նախկին նախագահ՝ Կախա Կուճավային։
Նշենք նաև, որ Պապուաշվիլին խորհրդարանի կողմից վերջին մեկ տարում ընտրված երրորդ նախագահն է։
Հիշեցնենք, որ խորհրդարանի նախկին նախագահ Կախա Կուճավան հրաժարական էր տվել դեկտեմբերի 24-ին։
