ՀՀ կրթության, գիտության, մշակույթի և սպորտի նախարարությունում հրավիրված համատեղ ասուլիսում նախարարի տեղակալ Արթուր Մարտիրոսյանը ներկայացրել է երիտասարդության ոլորտում 2021 թվականին իրականացված աշխատանքները:
Այս մասին հայտնում են ԿԳՄՍ նախարարության հասարակայնության հետ կապերի և տեղեկատվության վարչությունից:
Արթուր Մարտիրոսյանի խոսքով՝ երիտասարդության ոլորտում իրականացված ամենամեծ ծավալային ծրագիրը ‹‹Մատչելի բնակարան երիտասարդ ընտանիքներին›› ծրագրի շարունակությունն է: Պետական բյուջեից այս ծրագրին տրամադրվել է մոտ 1 մլրդ 380 միլիոն դրամ՝ 5861 բնակարանի տոկոսագումարի սուբսիդավորման համար:
Փոխնախարարի տեղեկացմամբ` 2022 թվականին այս ծրագրի համար նախատեսված գումարը ավելացվել է. ոլորտային հատկացումը հասցվել է 1 միլիարդ 906 միլիոն դրամի:
