Վրաստանի նախկին նախագահ Միխեիլ Սաակաշվիլին հայրենիք է վերադարձել ոչ թե բանտ գնալու մտադրությամբ, այլ պետական հեղաշրջման հաստատուն հույսով, գրում է վարչապետ Իրակլի Ղարիբաշվիլին իր բաց նամակում, փոխանցում է Sputnik-ը։
Վրաստանի երրորդ նախագահն, ով անօրինական կերպով վերադարձել է հայրենիք, հոկտեմբերի 1-ի երեկոյան ձերբակալվել է Թբիլիսիում: Նա պատիժը կրում է Ռուսթավիի թիվ 12 բանտում (Թբիլիսիի մոտ):
«Հավանաբար, մեր համաքաղաքացիներից շատերը մտածում են, թե ինչը դրդեց Միխեիլ Սաակաշվիլիին, երբ նա ծրագրեց իր արկածային այցը Վրաստան: Տարբերակները կարող են տարբեր լինել: Ոմանք կարծում են, որ իշխանության ծարավը, «Միասնական ազգային շարժման» մյուս առաջնորդների նկատմամբ նախանձը հաղթահարեց նրան, և նա դիտավորյալ գնաց բանտ՝ ուշադրության կենտրոնում հայտնվելու համար: Ոմանք կարծում են, որ նա վերադարձել է կառավարությունը տապալելու մտադրությամբ, ինչում նա խորապես համոզված էր: Ասվում է նաև, որ իր որոշման հետևանքները դժվար էր հաշվարկել ծանր թմրամոլության ֆոնին», – գրում է Ղարիբաշվիլին:
Ինչպես նշել է վարչապետը, Սաակաշվիլիի բանտարկությունից առաջ և հետո հոգեբանական և հոգեկան վիճակը արմատապես փոխվել է:
Ղարիբաշվիլին անհեթեթ է համարում այն վարկածը, որ նախկին նախագահը դիտավորյալ է բանտարկվել, և դա նախապես ծրագրված էր:
Վրաստանի կառավարության ղեկավարը միաժամանակ նշել է, որ Սաակաշվիլիի հեղափոխական մտադրություններն ամեն դեպքում դատապարտված են ձախողման:
