Փաստաբանների պալատի նախկին նախագահ, «Զարթոնք» ազգային-քրիստոնեական կուսակցության գործադիր մարմնի ղեկավար Արա Զոհրաբյանը ֆեյսբուքյան իր էջում գրել է․
«ԿԱԶՄԱԿԵՐՊՎՈՒՄ Է ՍՏՈՐԱԳՐԱՀԱՎԱՔ
Հարգելի հայրենակիցներ,
«Ազատ կամք» նախաձեռնությունը կազմակերպում է ստորագրահավաք՝ կցված հանրագրի կապակցությամբ: Ստորագրահավաքը սկսում ենք այսօրվանից և ավարտելու ենք 2021թ. հոկտեմբերի 7-ին: Այն հայրենակիցները, որոնք պատրաստակամ են օժանդակել ստորագրահավաքի կազմակերպմանը, կխնդրենք կապ հաստատել մեզ հետ (010 440333, [email protected]):
Հանրագրին միանալու համար կարող եք կցված հանրագրի տեքստը տպել, ստորագրել, լրացնելով անհրաժեշտ տվյալները և փոխանցել մեզ հետևյալ երեք եղանակներից մեկով՝ (1) ֆեյսբուքի միջոցով , (2) [email protected] էլեկտրոնային հասցեով, կամ (3) առձեռն ք.Երևան, Արշակունյաց 17 հասցեով (010 440333): Եթե խմբով եք ստորագրելու, ապա ստորագրեք և լրացրեք կցված երկրորդ փաստաթուղթը «ՄԻԱՆՈՒՄ ԵՆՔ ԿՈԼԵԿՏԻՎ ՀԱՆՐԱԳՐԻՆ» անվանումով:
Այստեղ կցում ենք նաև «Ազատ կամք» նախաձեռնության գործողությունների պլանը:
Տեղեկացնում ենք, որ նախապատրաստվում է՝
1. Հանրագրի ստորագրություններ – Ստորագրահավաք
28.09.2021թ.-07.10.2021
2. Փաստաբանական խմբերի ձևավորում Հայաստանում – Խմբերը ձևավորվում են և համալրվում: Տվյալները կհրապարակվեն 01.10.2021թ.
3. Հայցադիմումի հանձնում վարչական դատարանին – Վիճարկվում է ԱՆ 20.08.21թ. թիվ 65-Ն հրամանը: Հայցը կհանձնվի դատարան 01.10.2021թ.
4. Փաստերի և այլ տեղեկությունների հավաքագրում – Փաստահավաք խումբը կատարում է հարցումներ և հավաքում տվյալներ
5. Հանրային իրազեկում – Հանրությանը մշտապես կտրամադրվեն տեղեկություններ
6. Հանրագրի ներկայացում վարչապետին՝ հանրահավաքի միջոցով – Հանրահավաքը նախնական կկազմակերպվի 07.10.2021թ.
Հիշեցնում ենք, որ «Ազատ կամք» նախաձեռնությունը դեմ է պատվաստման պարտադրանքին:
![](https://scontent.fevn6-2.fna.fbcdn.net/v/t1.6435-9/p417x417/243240601_3140196719545050_857073132308585544_n.jpg?_nc_cat=102&ccb=1-5&_nc_sid=730e14&_nc_ohc=6xayFZltIcoAX-kyXa_&_nc_ht=scontent.fevn6-2.fna&oh=20b59a6e3d61f5c04f38b776d1b691b1&oe=6178FB93)
![](https://scontent.fevn6-2.fna.fbcdn.net/v/t1.6435-9/p417x417/243153083_3140196739545048_108866439317377184_n.jpg?_nc_cat=102&ccb=1-5&_nc_sid=730e14&_nc_ohc=h7FbfHdjo50AX_iTYgO&_nc_ht=scontent.fevn6-2.fna&oh=feacf5073bbabc94220e753de1e96178&oe=617A1DE6)
![](https://scontent.fevn6-3.fna.fbcdn.net/v/t1.6435-9/p417x417/243192565_3140196749545047_6298975358465760132_n.jpg?_nc_cat=107&ccb=1-5&_nc_sid=730e14&_nc_ohc=w_So78bYyhwAX_E61mT&_nc_ht=scontent.fevn6-3.fna&oh=9e041e728ffa0e35e11588495bb299fc&oe=617AB628)