Վրաստանի ջրային տարածք են մտել ՆԱՏՕ-ի ականազերծման խմբի հինգ նավեր: Այս մասին «Ալիք Մեդիայի» փոխանցմամբ՝ հաղորդում է Վրաստանի Ներքին գործերի նախարարությունը:
Խմբում ընդգրկված են Իսպանիայի, Իտալիայի, Բուլղարիայի, Ռումինիայի և Թուրքիայի ռազմածովային ուժերի նավերը, որոնք համատեղ վարժանքներ կիրականացնեն Վրաստանի առափնյա պահպանության դեպարտամենտի հետ։
«ՆԱՏՕ-ի նավերի այցը հաստատում է Հյուսիսատլանտյան դաշինքի աջակցությունը Վրաստանի՝ ՆԱՏՕ-ին անդամակցությանը: ՆԱՏՕ-ի հետ Վրաստանի սերտ համագործակցությունն ամրապնդում է Սև ծովի անվտանգությունը և նպաստում տարածաշրջանի կայունությանը»,- ասված է հայտարարության մեջ:
