«Ցանկանում եմ շնորհավորել մեզ բոլորիս։ Պատկերացնելով՝ ինչ դժվար ժամանակաշրջանում կազմավորվեց մեր պետությունը, վստահ եմ, որ մեր պետությունը դուրս կգա այս ամենից, և մենք կունենք՝ երազած հայրենիքը, որ պետք է լինի, որի համար պայքարել ենք և դեռ շատ անելիքներ ունենք»,-այս մասին այսօր՝ սեպտեմբերի 21-ին, լրագրողների հետ ճեպազրույցում ասաց ՀՀ ԶՈՒ ԳՇ պետ Արտակ Դավթյանը։
Անդրադառնալով Գորիս-Կապան ճանապարահատվածի անվտանգությանը, նա նշեց, որ այդ թեմայով մեկնաբանություններ շատ են եղել։ Ըստ նրա՝ դա կապ չունի ՊՆ-ի, ԶՈՒ-ի հետ, այդ պատճառով չի կարող որևէ մեկնաբանություն անել։
«Ազգային անվտանգության ծառայությունը հանդես է եկել հայտարարությամբ, որն ընդունեք ի գիտություն։ Ես երթևեկում եմ այդ ճանապարհով, նորմալ է։ Եթե գնացել, եկել եմ, ուրեմն նորմալ է»,-շեշտեց նա։
