Երևանի քաղաքապետարանից հայտնում են, որ գույքահարկի և աղբահանության վճարները կարող եք կատարել նաև ՀայՓոստի բաժանմունքներում։
«ՀայՓոստ-ի և Երևանի քաղաքապետարանի համագործակցության շնորհիվ այսուհետ մայրաքաղաքի բնակիչները կարող են հողի հարկի, գույքահարկի և աղբահանության վճարների ու պարտքերի մասին տեղեկանալ Երևանի փոստային շուրջ 90 բաժանմունքներից ցանկացածում և տեղում վճարում կատարել:
Ի դեպ տեղեկացնենք, որ մինչև 1000 դրամ աղբահանության վճարների համար միջնորդավճար չի գանձվելու»,-ասված է հայտարարության մեջ։
