5 ամյա երեխան 3-րդ աստիճանի այրվածքից հետո դուրս է գրվել «Շենգավիթ» ԲԿ-ից։
Այս մասին հայտնում են «Շենգավիթ» ԲԿ-ից։
«Շենգավիթ» ԲԿ-ի Մանկական, նորածնային վիրաբուժական բաժանմունք է ընդունվել 5 տարեկան տղա երեխա՝ կրծքավանդակի առաջային աջ մակերեսի, աջ թուլակողի, էպիգաստրալ շրջանների թերմիկ այրվածքով՝ 2-րդ, 3-րդ աստիճանի, ինֆեկցված վերքով:
«Շենգավիթ» ԲԿ-ի Մանկական, նորածնային վիրաբուժական բաժանմունքի ղեկավար, մանկական վիրաբույժ Աշոտ Հովսեփյանի և մանկական վիրաբույժ Սամվել Մարտիկյանի կողմից իրականացվել է ինֆուզիոն, դետոքսիկացիոն թերապիա, հակաբորբոքային, հակաբիոտիկային բուժում, սիմպտոմատիկ բուժում, այրվածքային մակերեսի մշակումներ:
Բժիշկների պրոֆեսիոնալ, թիմային աշխատանքի, երկարատև բուժման արդյունքում երեխայի մաշկի այրվածքային մակերեսը վերականգնվել է ամբողջությամբ:
Բուժումներից հետո երեխան դուրս է գրվել հիվանդանոցից` լիովին կազդուրված:
Հ.գ. կլինիկական դեպքի լուսանկարները այրվածքի առաջին փուլից մինչ լավացում կարող եք տեսնել քոմենթում։
![May be an image of տեքստ](https://scontent.fevn2-1.fna.fbcdn.net/v/t1.6435-9/242100988_4688601924530661_2563066676688979913_n.jpg?_nc_cat=104&ccb=1-5&_nc_sid=dbeb18&_nc_ohc=XHZVunuVt-cAX8-2Yx8&_nc_ht=scontent.fevn2-1.fna&oh=38d2baecff0ba1634adc4afe71302d45&oe=616B1AF5)