Գիշերը Իսրայելի ռազմաօդային ուժերը հարձակվել են Գազայի հատվածի վրա՝ ի պատասխան անկլավից հրթիռային հարվածների:
Այս մասին հայտնում է «ՌԻԱ Նովոստի» լրատվական գործակալությունը։
Գազայի Ալ-Շիֆա բժշկական կենտրոնի տնօրեն Մուհամմադ Աբու Սալմիան ասել է, որ հարձակումը հանգեցրել է մահվան և մի քանի վիրավորի: Գազայի հատվածի առողջապահության նախարարության տվյալներով ՝ շատ բնակիչներ դեռևս գտնվում են իրենց տների փլատակների տակ:
Թել Ավիվում կեսգիշերից գրեթե անմիջապես հետո տագնապի ազդանշաններն են միացվել՝ նախազգուշացնելով հնարավոր հրթիռային հարձակման մասին:
Ազդանշանների ձայնը լսելուց հետո լսվել են պայթյուններ, որոնք, հավանաբար ցույց են տվել «Երկաթե գմբեթ» հակահրթիռային պաշտպանության համակարգի ակտիվացումը:
«Երկու ժամ տևած զինադադարի ավարտից հետո Ալ-Քասամի ջոկատները հրթիռներ են արձակել դեպի Աշկելոն, Աշդոդ և Բիր Շևա ՝ ի պատասխան անկլավում բնակելի շենքերի ոչնչացման», – Համասի ռազմական թևի խոսնակ Աբու Ուբայդը այս մասին գրել է տեեգրամում։
«ՌԻԱ Նովոստիի» թղթակցի փոխանցմամբ՝ Գազայի հատվածից հրթիռները սկսել են արձակվել ուղիղ կեսգիշերին:
Ավելի ուշ «ՌԻԱ Նովոստիի» աղբյուրները հայտնել են Գազայի հատվածի ուղղությամբ իսրայելական հրթիռային հարձակումների մասին, որոնք տեղի են ունեցել Պաղեստինյան անկլավից իսրայելական քաղաքների ուղղությամբ հրթիռային հարձակումների վերսկսումից հետո:
Անկլավի գլխավոր քաղաքում Իսրայելի կողմից պատասխան հարվածների հետևանքով դադարեցվել է էլեկտրամատակարարումը:
«Իսրայելի ռազմաօդային ուժերը միաժամանակ հրթիռային հարվածներ են հասցրել Գազայի հատվածին, Գազայի, Խան Յունիսի քաղաքներին, հյուսիսային հատվածին և Ռաֆահին, հարվածներին զուգահեռ դադարեցվել է էլեկտրամատակարարումը Գազա քաղաքում», – ասել են լրատվականի աղբյուրները:
Տեղեկություններ կան, որ Գազայի քաղաքում «Համասի» քաղբյուրոյի ղեկավար Յահյա ալ-Սինվարը սպանվել է, բայց այս տեղեկատվությունը պաշտոնապես չի հաստատվել:
Ավելի վաղ հայտնել էինք, որ «Համասի» «Ալ-Քասամ բրիգադներ» ռազմական թևի ներկայացուցիչ Աբու Ուբայդան ասել էր, որ շարժումը կդադարի կրակել Թել Ավիվի վրա երկու ժամով ՝ շաբաթ օրվա 22.00-ից 24.00-ն:
Հիշեցնենք, որ Պաղեստինի անկլավի սահմաններին վերջին տարիների ամենամեծ սրացումը սկսվել է երկուշաբթի՝ մայիսի 10-ի երեկոյան: Երեքշաբթի առավոտյան բանակը հայտնել է, որ Գազայի հատվածից ավելի քան 200 հրթիռ է արձակվել Իսրայելի ուղղությամբ, նրանց 90% -ը կանգնեցվել է «Երկաթե գմբեթ» հակահրթիռային պաշտպանության համակարգի կողմից: Իսրայելցի զինվորականները հայտնել են, որ Գազայի հատվածից արձակված հրթիռների շուրջ մեկ երրորդը պայթել է Պաղեստինի անկլավում՝ մինչև Իսրայելի հետ տարանջատման ցանկապատ հասնելը։ Իսրայելցի զինվորականները պատասխանել են՝ խոցելով նշված հատվածում պաղեստինյան խմբավորումների 130 ռազմական թիրախներ՝ սպանելով 15 գրոհայինների:
