Գազայի հատվածում իսրայելական հարվածների հետևանքով երեք օրվա ընթացքում սպանված պաղեստինցիների թիվը հասել է 83-ի, վիրավորվել է 487 մարդ:
Այս մասին հայտնում է «ՌԻԱ Նովոստի» լրատվական գործակալությունը։
Ավելի վաղ հաղորդվում էր 67 զոհվածի և 388 վիրավորի մասին:
«Երեք օրվա ընթացքում Գազայի հատվածում իսրայելական ավիահարվածներից զոհված պաղեստինցիների թիվը հասել է 83-ի, այդ թվում՝ 17 երեխա և 7 կին: Եվս 487 մարդ վիրավորվել է», – ասել է Առողջապահության նախարարության խոսնակ Աշրաֆ ալ-Կիդրան:
Հիշեցնենք, որ Պաղեստինի անկլավի սահմաններին վերջին տարիների ամենամեծ սրացումը սկսվել է երկուշաբթի երեկոյան: Երեքշաբթի առավոտյան բանակը հայտնել է, որ Գազայի հատվածից ավելի քան 200 հրթիռ է արձակվել Իսրայելի ուղղությամբ, նրանց 90% -ը կանգնեցվել է «Երկաթե գմբեթ» հակահրթիռային պաշտպանության համակարգի կողմից: Իսրայելցի զինվորականները հայտնել են, որ Գազայի հատվածից արձակված հրթիռների շուրջ մեկ երրորդը պայթել է Պաղեստինի անկլավում՝ մինչև Իսրայելի հետ տարանջատման ցանկապատ հասնելը։ Իսրայելցի զինվորականները պատասխանել են՝ խոցելով նշված հատվածում պաղեստինյան խմբավորումների 130 ռազմական թիրախներ՝ սպանելով 15 գրոհայինների:
