Թուրքիայի արտգործնախարար Մեվլութ Չավուշօղլուն ասել է, որ Ռուսաստանը, անհրաժեշտության դեպքում, կարող է ցանկացած արտադրանք գնել Թուրքիայի պաշտպանական արդյունաբերությունից:
Այս մասին հայտնում է «ՏԱՍՍ» լրատվական գործակալությունը։
«Թուրքիան անօդաչու թռչող սարքեր է վաճառում նրանց, ովքեր դրանց կարիքը ունեն: Այս գործարքը [Ուկրաինայի հետ] ուղղված չէ Ռուսաստանի դեմ: Եթե Ռուսաստանին անհրաժեշտ է գնել մեր արտադրանքը, ապա կարող է գնել այնպես, ինչպես մենք նրանցից գնեցինք S-400», – ասել է նախարարը «Հաբեր Թուրք» հեռուստաընկերության եթերում:
