ԱՄՆ-ն ու ՆԱՏՕ-ն զորքերը տեղափոխում են Հյուսիսային Ամերիկայից դեպի Ռուսաստանի սահմաններ, ասել է ՌԴ պաշտպանության նախարար Սերգեյ Շոյգուն:
Այս մասին հայտնում է «ՌԻԱ Նովոստին»։
«Հիմնական ուժերը կենտրոնացած են Սև ծովում եւ Բալթյան տարածաշրջանում», – ասել է Շոյգուն:
Նա ավելացրել է, որ ընդհանուր առմամբ 40 հազար զինծառայող և 15 հազար միավոր զենք և ռազմական տեխնիկա՝ ներառյալ ռազմավարական ավիացիան, տեղակայվելու են Ռուսաստանի սահմանին:
ՌԴ պաշտպանության նախարարի հավաստմամբ՝ Հյուսիսատլանտյան դաշինքն ամեն տարի անցկացնում է «բացահայտ հակառուսական ուղղություն ունեցող» օպերատիվ պատրաստության մինչև 40 միջոցառում: Գարնանը կանցկացվեն վերջին 30 տարվա ընթացքում դաշինքի ամենամասշտաբային՝ Defender Europe-2021 զորավարժությունները:
