Աշխարհում կորոնավիրուսային վարակի հաստատված դեպքերի թիվը գերազանցել է 130 միլիոնը՝ մեկ օրում ավելանալով ավելի քան 510 հազարով: Առողջապահության համաշխարհային կազմակերպության (ԱՀԿ) կողմից կիրակի հրապարակված տվյալների համաձայն՝ մահացությունների թիվն աճել է ավելի քան 10,1 հազարով՝ գերազանցելով 2. 84 մլիոնը։
Այս մասին հայտնում է «ՏԱՍՍ» լրատվական գործակալությունը։
Ապրիլի 4-ին ԱՀԿ-ն տեղեկատվություն է ստացել 130 422 190 վարակվածների և 2 842 135 մահվան դեպքերի մասին: Վարակվածների թիվն աճել է 510 365-ով, մահացությունները`10 173-ով:
ԱՀԿ վիճակագրությունը հաշվի է առնում պետությունների կողմից տրամադրված վարակի և մահվան դեպքերի վերաբերյալ միայն պաշտոնական տեղեկատվությունը:
Անցած օրվա ընթացքում ԱՀԿ-ում գրանցված վարակների ավելի քան 34% -ը եղել են Հյուսիսային և Հարավային Ամերիկայում (177,098), որին հաջորդում են Եվրոպան (169,858), երրորդում ՝ Հարավ-Արևելյան Ասիան (103,810):
Վարակվածության հաստատված դեպքերի մեծ մասը գրանցվել է ԱՄՆ-ում ՝ 30 304 462: Դրան հաջորդում են Բրազիլիան (12 910 082), Հնդկաստանը (12 485 509), Ֆրանսիան (4 665 709), Ռուսաստանը (4 580 894), Մեծ Բրիտանիան (4 357 095), Իտալիան (3,650,247), Թուրքիան (3,445,052), Իսպանիան (3,291,394), Գերմանիան (2,885,386), Լեհաստանը (2,438,542) և Կոլումբիան (2,428,048):
