COVID-19-ով վարակվածների թիվն աշխարհում հինգերորդ շաբաթն անընդմեջ նվազում է, ճեպազրույցում ասել է Առողջապահության համաշխարհային կազմակերպության գլխավոր տնօրեն Թեդրոս Հեբրեյեսուսը։
Այս մասին հայտնում է «ՌԻԱ Նովոստի» լրատվական գործակալությունը։
«Հաղորդվող COVID-19-ի դեպքերի թիվն ամբողջ աշխարհում նվազում է արդեն հինգերորդ շաբաթն անընդմեջ: Անցած մեկ շաբաթվա ընթացքում վարակվածների ամենացածր քանակն է գրանցվել հոկտեմբերից ի վեր», – ասել է նա:
Ըստ նրա՝ հինգ շաբաթվա ընթացքում շաբաթական գրանցվող նոր վարակվածների թիվը գրեթե կրկնակի կրճատվել է:
