Վարչապետի աշխատակազմի ղեկավար Արսեն Թորոսյանը կառավարությանը ներկայացրեց Արմեն Ղուլարյանին քաղաքաշինության կոմիտեի նախագահ նշանակելու մասին նախագիծը։

Կառավարությունը հաստատեց որոշումը։

Նշենք, որ վերջինս 2016-2018 թթ. զբաղեցրել է կոմիտեի նախագահի տեղակալի պաշտոնը, իսկ 2018 թ. հուլիսի 17-ից` կոմիտեի նախագահի առաջին տեղակալի պաշտոնը։

Համառոտ կենսագրություն

Ծնվել է 1954 թվականի սեպտեմբերի 25-ին Իջևանում:

Կրթություն

1961-1971 թթ.-Իջևանի ռուսական միջնակարգ դպրոց
1971-1976 թթ. ավարտել է Երևանի Կ. Մարքսի անվան պոլիտեխնիկական ինստիտուտի Ճարտարապետության ֆակուլտետը մասնագիտացումը` ճարտարապետ։

Աշխատանքային գործունեություն

1976-1980 թթ. – Իջևանի շրջանային խորհրդի գործկոմ` ճարտարապետական բաժնի խմբի ղեկավար
1980-1988 թթ. – Իջևանի շրջանի գլխավոր ճարտարապետ
1988-1990 թթ. – ՀԿԿ Իջևանի շրջկոմ` արդյունաբերության շինարարության և տրանսպորտի բաժնի վարիչ
1990-1991 թթ. – Իջևանի քաղաքային խորհրդի գործկոմ` նախագահի պաշտոնակատար
1991-1996 թթ. – Իջևանի քաղաքային խորհրդի գործկոմ` նախագահ
1996-1999 թթ. – Իջևանի քաղաքապետ
1999-2014 թթ. – ՀՀ Տավուշի մարզպետ
2014-2016 թթ.- ՀՀ քաղաքաշինության նախարարի տեղակալ
2016-2018 թթ. – ՀՀ ԿԱ քաղաքաշինության պետական կոմիտեի նախագահի տեղակալ
2018 թ. հուլիսի 17-ից` ՀՀ քաղաքաշինության կոմիտեի նախագահի առաջին տեղակալ:

Այլ տվյալներ

ՀՀ զինված ուժերի գնդապետ է։ Պարգևատրվել է «Անանիա Շիրակացի» մեդալով «Ֆրիտյոֆ Նանսեն» և ՀՀ վարչապետի հուշամեդալներով։ Ունի շնորհակալագրեր։ Ճարտարապետների միության անդամ է։

Անձնական տվյալներ

Ամուսնացած է ունի երկու որդի։