ՀՀ մարդու իրավունքների պաշտպան Արման Թաթոյանը ֆեյսբուքյան իր էջում գրել է․
«Դատապարտելի է ՀՀ վարչապետի թեկնածու համարվող Վազգեն Մանուկյանի կողմից այսօր Գյումրիում վիրավորական ձևակերպումներ օգտագործելը քացաքացիներին ուղղված իր խոսքում: Առավել ևս բացարձակ է անընդունելի նրա կողմից իր խոսքի վիրավորական արտահայտությունը վերահաստատելը լրագրողի հետ զրույցում:
Անթույլատրելի են բոլոր այն դեպքերը, երբ հանրային գործիչներն իրենց խոսքում օգտագործում են քաղաքացիներին ուղղված վիրավորական բառեր ու արտահայտություններ:
Մեր երկրում հանրային համերաշխությունը երաշխավորելու համար ինչպես հանրային պաշտոն զբաղեցնող անձինք, այնպես էլ հանրային գործիչները պետք է զերծ մնան իրենց հրապարակային խոսքում մարդկանց արժանապատվությունը վիրավորող արտահայտություններ օգտագործելուց։ Յուրաքանչյուր խոսք ասելիս կամ արտահայտություն անելիս պետք է պարտադիր նկատի ունենալ այդ խոսքի կամ արտահայտության բոլոր հնարավոր ենթատեքստերն ու փոխաբերական իմաստները: Վարչապետի թեկնածու համարվող անձի նկատմամբ, բնականաբար, պահանջներն ավելի բարձր են:
Նշենք, որ ընդդիմության՝ վարչապետի թեկնածու Վազգեն Մանուկյանը, ում մի խումբ գյումրեցիներ այսօր թույլ չեն տվել Գյումրի մտնել՝ փակելով ճանապարհը, լրագրողների հետ զրույցում ասել է, որ ճանապարհը փակողները «բոմժեր» էին.
«Ճանապարհը փակ էր, մեր մեքենաներն այնտեղ էին, բայց ես անցա: «Իմ քայլը» իրենց փող էր բաժանել, իրանք էլ խոսում էին։ Բոմժեր էին, որոնց փող էր բաժանված, ուրիշ ոչինչ»,- ասել է Վազգեն Մանուկյանը:
