Արցախում մեկ օրում հրդեհի 7 դեպք է արձանագրվել։ Այս մասին հայտնում է Արցախի Հանրապետության արտակարգ իրավիճակների պետական ծառայությունը։
Հրդեհները բռնկվել են բաց տարածքում՝ չոր խոտի այրվելու հետևանքով, որը քամու միջոցով տարածվել և ընդլայնվել էր: Սակայն, հրշեջ փրկարարների շնորհիվ ժամանակին կատարվել է հրդեհաշիջում: Տուժածներ չկան:
Ժամը 14:53-ին ծառայության 911 ահազանգման կենտրոնում գրանցվել է հրդեհի մասին հերթական դեպքը, որը բռնկվել է Ստեփանակերտից մոտ 12 կմ հեռավորության վրա՝ անտառային հատվածում: Դեպքի վայր է մեկնել փրկարար ուժերի վարչության հրշեջ փրկարարական մեկ մարտական հաշվարկ:
Տեղում պարզվել է, որ հրդեհը բռնկվել է քաղաքացու անզգուշության պատճառով: Հրշեջ փրկարարները կանխարգելիչ տեխնիկական միջոցներով կրակը մարել են ժամը 17:50-ին: Իսկ վնասի մակերեսը ճշտվում է:
ԱԻ պետական ծառայությունը քաղաքացիներին հորդորում է.
անկախ եղանակային պայմաններից զգուշություն ցուցաբերել՝ զերծ մնալով անտառածածկ և խոտածածկ տարածքներում կրակ վառելուց, այն կարող է էկոլոգիական լուրջ աղետի պատճառ դառնալ:
Պահպանեք հրդեհային անվտանգության բոլոր կանոնները»,- ասված է հայտարարության մեջ:
![](https://scontent.fevn2-1.fna.fbcdn.net/v/t1.0-0/p526x395/137656364_4017127864988325_8660290933920322698_o.jpg?_nc_cat=105&ccb=2&_nc_sid=730e14&_nc_ohc=5Hor1f9m_ssAX_4FYdI&_nc_ht=scontent.fevn2-1.fna&tp=6&oh=4549f7b1b19882063463007a5f96bd67&oe=60227E35)
![](https://scontent.fevn2-1.fna.fbcdn.net/v/t1.0-0/p526x395/136069188_4017128124988299_5442524775905016672_o.jpg?_nc_cat=102&ccb=2&_nc_sid=730e14&_nc_ohc=IFyTwwo_kvIAX-k8rkp&_nc_ht=scontent.fevn2-1.fna&tp=6&oh=5c05dd60f5dbb9643cc4317bd8587cf3&oe=60216411)
![](https://scontent.fevn2-1.fna.fbcdn.net/v/t1.0-0/p526x395/138091228_4017128134988298_7304635494364615736_o.jpg?_nc_cat=107&ccb=2&_nc_sid=730e14&_nc_ohc=en-TeCsjXdEAX_XiuoF&_nc_ht=scontent.fevn2-1.fna&tp=6&oh=544555d7459d4b125acdf398cd0c0abe&oe=60204CD5)
![](https://scontent.fevn2-1.fna.fbcdn.net/v/t1.0-0/p526x395/138038085_4017128361654942_1551557627665348869_o.jpg?_nc_cat=108&ccb=2&_nc_sid=730e14&_nc_ohc=OA25WexrL3sAX_XMwJF&_nc_ht=scontent.fevn2-1.fna&tp=6&oh=111e2f2c0af14bfcc17f47cd816a7db5&oe=602280B7)