Որոշ զինված խմբեր դեռ հույս ունեն վրեժ լուծել Լեռնային Ղարաբաղի մեծ մասի կորստի համար, դա հանգեցնում է ապակայունացման և ստեղծում է համարժեք պատասխանի անհրաժեշտություն, բայց, ընդհանուր առմամբ, տարածաշրջանում պահպանվում է հրադադարի ռեժիմը, որի խախտման դեպքերը հազվադեպ են, РИА Новости-ին ասել է Մոսկվայում Ադրբեջանի դեսպան Փոլադ Բյուլբյուլ օղլուն։
«Ցավով եմ նշում, որ որոշ զինված խմբավորումներ դեռ վրեժ լուծելու հույսեր ունեն, և դա, անկասկած, հանգեցնում է ներկա իրավիճակի ապակայունացմանը և համարժեք պատասխան տալու անհրաժեշտություն է ստեղծում», – ասաց նա:
«Դեկտեմբերի 27-ին հայկական զինված ուժերի մի փոքր ջոկատ հարձակվեց ադրբեջանական բանակի ստորաբաժանումների վրա Խոջավենդի շրջանի Աղդամ (Ակակու) գյուղի ուղղությամբ: Ադրբեջանական բանակի մեկ զինվոր սպանվեց, մեկը վիրավորվեց: Պատասխան գործողությունների արդյունքում ոչնչացվեց ապօրինի հայկական զինված խմբի վեց անդամ», – ասաց նա:
Հիշեցնենք, որ Արցախի ՊԲ հայտարարության համաձայն՝ ԶՈւ-երը խստորեն պահպանում է հրադադարի ռեժիմը, որևէ ստորաբաժանում տվյալ հատվածում որևէ գործողության չի մասնակցել, ավելին՝ Արցախի ՊԲ ստորաբաժանումների հետ կապված որևէ արտակարգ միջադեպ չի գրանցվել։
