Սյունիքում ստեղծված իրավիճակի կապակցությամբ Ազգային ժողովի «Լուսավոր Հայաստան» խմբակցության անդամները կհանդիպեն քաղաքացիների հետ:
Այս մասին ֆեյսբուքյան իր էջում հայտնել է խմբակցության ղեկավար Էդմոն Մարուքյանը:
«Այսօր Սյունիքում հանդիպումներ կունենանք և ևս մեկ անգամ տեղում կծանոթանանք իրավիճակին: Այցի արդյունքներով առաջարկությունների փաթեթ կներկայացնենք համապատասխան մարմիններ»,- գրել է Մարուքյանը:
Նոյեմբերի 9-ին, Հայաստանի վարչապետի, Ռուսաստանի և Ադրբեջանի նախագահների միջև ստորագրված եռակողմ հայտարարության իրագործման շրջանակում Հայաստանի և Ադրբեջանի միջև ձևավորվում են նոր սահմաններ։
