«Ուզում եմ մեր ժողովրդին ի լուր ասել, որ լինելու է սահմանների ճշտում, լինելու է մեր ստատուսի հարցը։ Այնպես չէ, որ Ասկերանի շրջանը կամ ամբողջ Հադրութի շրջանն ու այլ տարածքներ մնացել են Ադրբեջանի զինված ուժերի վերահսկողության տակ։ Մենք վերադարձնելու ենք այդ տարածքները»,- Արցախ TV-ին տված իր հարցազրույցում ասել է ԱՀ Անվտանգության խորհրդի քարտուղար, Արցախի հերոս, գեներալ Վիտալի Բալասանյանը։
Նա նշել է, որ ոչ թե ուզում է ժողովրդին հույս տալ, այլ վստահեցնել, որ այդ աշխատանքները տանելու են։
«Իհարկե, պատերազմական գործողությունների ժամանակ լինում են հաղթանակներ և պարտություններ, մենք չենք պարտվել, մենք ծնկի չենք եկել։ Թե ինչ իրավիճակի մեջ է հայտնվելու Ադրբեջանի Հնարապետությունը շատ կարճ ժամանակում, չեմ ասի հիմա, փակագծեր չեմ բացի, կտեսնեք՝ ինչ իրավիճակի մեջ կհայտնվի, մենք կողքից, Արցախի բարբառով ասած, թամաշա կանենք»,- նշել է նա։
Նշենք, որ հարցազրույցի ամբողջական տարբերակը հրապարակվելու է երկուշաբթի՝ դեկտեմբերի 28-ին։
