Արցախի զինված ուժերի տեղեկատվության և հասարակայնության հետ կապերի բաժնի նախկին պետ, գնդապետ Սենոր Հասրաթյանը ֆեյսբուքյան իր էջում գրել է.
«Իշխանական աթոռներն զբաղեցրած «ներկաները» հանրությանն անընդհատ վախեցնում են «նախկիների» գալով: Անգամ, եթե մի պահ մենք հավատում ենք այս արհեստական սահմանազատմանը և չեզոք քաղաքացու գնահատումներով համեմատում ընթացիկ (2020թ.) և նախորդ (2018թ.) ներքաղաքական զարգացումների անցքերը, հիշում, թե մոտ երկու տարի և յոթ ամիս առաջ ով էր, որպես Ռոբերտ Աբաջյանի պապ, հարթակից խաբում հրապարակում հավաքված բազմահազար ժողովրդին և ով էր օրեր առաջ պատերազմում անհայտ կարած իր զավակի պատվիրանը՝ որդեկորույս հոր ազնվությամբ հասցնում հանրահավաքի մասնակիցներին ու երկրի վարչապետին, ապա առողջ տրամաբանություն ունեցող յուրաքանչյուր ոք կամա թե ակամա պիտի հասկանա, որ այսօրվա Հայաստանի խնդիրը ոչ թե «նախկիների» և «ներկաների» սահմանազատման մեջ է, այլ կեղծիքը ճշմարտությունից տարբերելու…»:
