Այսօր դադարեցնում ենք շրջափակումը, բայց դադարեցնում ենք ժամանակավոր։ Մի քանի րոպեից կսկսենք հանրահավաքը՝ հանրապետության հրապարակում։ Այս մասին հայտնեց ՀՅԴ անդամ Գեղամ Մանուկյանը։
Հրապարակից հեռացվեցին նաև տեղադրված վրանները։ Ընդդիմությունը և ոստիկանությունը համաձայնության եկան։
«Նորից ենք դիմում բոլորիդ, ուշքի եկեք, պետական համակարգի աշխատողներ, պարգևավճարները սպառվում են, այս անուղեղմ, ապաշնորհ կառավարությունը վաղը փող չի ունենալութոշակ տա, պագեւավճարը կմոռանաք վերջնականապես»,-ասաց նա՝ հավելելով, որ հանրահավաքը կսկսեն մի քանի րոպեցի, երբ բոլորը կհավաքվեն:
Հիշեցնենք, որ «Հայրենիքի փրկության շարժման» անդամները մինչեւ ժամը 18։00-ն ժամանակ էին տվել «Իմ քայլը» խմբակցությանը, որպեսզի ներկայանան եւ նրանց հետ քննարկեն երկրում ստեղծված իրավիճակը։ «Հաշվի առնելով, որ այս շենքում նստած է ընդամենը մի խելագար դավաճան, մենք ստեղծված իրավիճակից լուծումներ գտնելու համար առաջարկում ենք. մինչեւ ժամը 18։00-ն «Իմ քայլը» խմբակցությունը ներկայանա՝ մեր հետ երկրում ստեղծված իրավիճակը քննարկելու համար»,- ասել է ՀՅԴ ԳՄ ներկայացուցիչ Իշխան Սաղաթելյանը:
