Ազգային ժողովի «Իմ քայլը» խմբակցության պատգամավոր Վիկտոր Ենգիբարյանը հայտնում է.
«Այցելեցի Սարդարապատ համայնքի նահատակ հերոսների պանթեոն և Արցախի Հերոս Դավիթ Գրիգորյանի ընտանիքին:
Արմավիրի մարզի Սարդարապատ համայնքի զավակ Դավիթ Գրիգորյանն «Արցախի հերոս» բարձր կոչմանն է արժանացել Արցախի Հանրապետության նախագահի հրամանագրով հոկտեմբերի 4-ին՝ պարգևատրվելով «Ոսկե արծիվ» շքանշանով։
Դավիթը 2020 թվականի հայ-ադրբեջանական պատերազմի ժամանակ խոցել է ավելի քան 3 տասնյակ տանկեր, ՀՄՄ-ներ ու այլ տեխնիկա։
Փառք ու խոնարհում մեր բոլոր հերոսներին»:
