Վարչապետ Նիկոլ Փաշինյանը այսօր՝ դեկտեմբերի 14-ին, հայտարարել է, որ դեկտեմբերի 19-ից ՀՀ-ում եռօրյա սուգ կհայտարարվի, հիշատակի երթ կկազմակերպվի Հանրապետության հրապարակից դեպի Եռաբլուր, եւ հիշատակի այլ միջոցառումներ։
Դեկտեմբերի 19-ը շաբաթ օր է, իսկ դեկտեմբերի 21-ը երկուշաբթի։ Քաղաքացիները մի շարք հարցեր են ուղղել Իրավաբան․net-ի խմբագրություն՝ երկուշաբթի օրվա աշխատանքային լինելու հետ կապված։
Կառավարության տեղեկատվության և հասարակայնության հետ կապերի վարչությունից մեզ հետ զրույցում հայտնեցին, որ նախատեսված չէ շաբաթ և երկուշաբթի օրերը հայտարարել ոչ աշխատանքային, նման մտադրությունը կառավարությունը չունի։
Փոփոխության դեպքում հավելյալ կտեղեկացվի։
