Լոռու մարզպետ Անդրեյ Ղուկասյանը ֆեյսբուքյան իր էջում գրել է․
«Ներքին թշնամին ասես սրտատրոփ սպասելիս լինի, որպեսզի երկրի համար խոցելի որևէ պահի սկսի քաղաքական շահարկումների ֆոնին դիվիդենտներ քաղելու գործընթացը: Արտաքին ու սահմանային լարումներին ի պատասխան համախմբվելու փոխարեն հայաստանյան ներքին թշնամին սկսում է բացահայտ ջղաձգումներով ջուր լցնել արտաքին թշնամու ջրաղացին, միևնույն ժամանակ չմոռանալով հուսահատական տրամադրություններ ձևավորել ֆեյսբուքյան Հայաստանում:
Այսպես են վարվել նաև պատերազմի օրերին: Իրական Հայաստանում, սակայն, նույնիսկ ցավի, ցասման ու սպասումի համատեքստում ժողովուրդը միասնական է և թույլ չի տա ներքին խժդժությունների հրահրում` հօգուտ անցյալի քաղաքական հանգուցյալների վերակենդանացման»:
