ԱԺ-կառավորություն հարց ու պատասխանի ժամանակ փոխվարչապետ Տիգրան Ավինյանն անդրադարձավ հարցին, թե Սյունիքի մարզում սահմաններին ինչ իրավիճակ է։
«Այս պահի դրությամբ ամբողջ սահմանի երկայնքով գերատեսչական խումբ է աշխատում, այսինքն՝ ամբողջ սահմանի վերաբերյալ իրավական փաստաթղթեր են նախապատրաստվում սպասվելիք բանակցություններին, որը տեղի է ունենալու ամենայն հավանականությամբ հենց այս տարի՝ ռուս գործընկերների միջնորդությամբ երկու կողմերի միջև։ Այս պահին ՀՀ ու Ադրբեջանի միջև իրավական սահմանը վերջնական արձանագրված չէ։ Եվ մենք վեր ենք հանել բոլոր այն իրավական փաստաթղթերը և քարտեզները, որոնք հիմք են հանդիսանալու այդ բանակցությունների համար։ Եվ այդ օրակարգով մոտակա շաբաթների ընթացքում տեղի են ունենալու բանակցություններ։ Ինչ վերաբերում է փաստացի զինված ուժերի տեղակայմանը, այս պահի դրությամբ Տեղ գյուղից ներքի հատվածում գտնվող տարբեր դիրքերում մենք ունենք զինված ուժերի ներկայացուցիչներ։ Եվ ամբողջ սահմանով վերջնական տեղակայումները տեղի են ունենալու պայմանավորվածությունների և բանակցությունների արդյունքում»,- նշեց Ավինյանը։
Փոխվարչապետը վստահեցրեց՝ ՀՀ սահմանից դեպի մեր կողմ որևէ բան զիջված չէ և չի կարող զիջված լինել։
«Իրավական սահմանը՝ որպես այդպիսին, դա բանակցությունների արդյունքում վերջնական փաստաթղթի տեսքով պետք է ընդունեն երկու կողմերը»,- հավելեց նա։
Մանրամասները՝ տեսանյութում
