ՀՀ ԱԳ նախարար Արա Այվազյանն աշխատանքային այցով գտնվում է Ֆրանսիայում: Այսօր Այվազյանը հանդիպել է Ֆրանսիայի ԱԳ նախարար Ժան-Իվ Lը Դրիանի հետ:
ՀՀ ԱԳ նախարար Արա Այվազյանը Ֆրանսիայի ԱԳ նախարար Ժան-Իվ Lը Դրիանի հետ համատեղ մամուլի ասուլիսի ժամանակ խստագույնս դատապարտել է Ադրբեջանի զինվորականների կողմից հայ ռազմագերիների և պատանդի կարգավիճակում հայտնված քաղաքացիական անձանց նկատմամբ անմարդկային վերաբերմունքի դրսևորման դեպքերը, որոնք ոչ միայն չեն դատապարտվում Ադրբեջանի բարձր ղեկավարության կողմից, այլև արժանանում են հասարակական աջակցության:
«Հայատյացության այս դրսևորումների թիրախ են դառնում նաև Արցախի՝ ադրբեջանական օկուպացիայի տակ հայտնված տարածքներում հայկական բազմաթիվ միջնադարյան մշակութային, կրոնական կոթողները, որոնք ադրբեջանական կողմը կա՛մ փորձում է ոչնչացնել, սրբապղծել, կա՛մ էլ՝ փոխել նրանց ինքնությունը»,- ասել է Այվազյանը:
Մտքեր են փոխանակվել միջազգային կազմակերպությունների միջոցով այդ կրոնական-մշակութային կոթողների պահպանման ուղղությամբ:
