Ավշարի համայնքապետարանը համայնքի ղեկավարի գլխավորությամբ պահանջում է վարչապետ Նիկոլ Փաշինյանի հրաժարականը:
Այս մասին հայտարարություն է արվել համայնքապետարանի ֆեյսբուքյան էջում։
«Ավշարի համայնքապետարանը, համայնքի ղեկավարի գլխավորությամբ, պահանջում է դավաճան վարչապետի հրաժարականը, ուղերձ է հղում Հայաստանի Հանրապետության բոլոր համայնքների ղեկավարներին և բնակիչներին հանդես գալ նման պահանջով և ակտիվորեն մասնակցել դավաճան Նիկոլ Փաշինյանի հրաժարականի գործընթացներին»:
Նշենք, որ Ավշարի համայնքապետ Սուրիկ Գրիգորյանը՝ Արարատի նախկին մարզպետ՝ Արամայիս Գրիգորյանի եղբայրն է:
Դեռ այս տարվա մարտին Սուրիկ Գրիգորյանը դատի էր տվել մարզպետ Գարիկ Սարգսյանին:
Գրիգորյանը պահանջում է զրպարտության միջոցով պատիվն ու արժանապատվությունը արատավորող արտահայտությունները հերքել եւ հասցված վնասը փոխհատուցել:
Հայցի պատճառի մասին ավելի վաղ Գրիգորյանի ներկայացուցիչ Սամվել Սիմոնյանը խոսել էր լրատվամիջոցների հետ՝ նշելով, որ մարզպետը հայտարարել է, թե Ավշար համայնքում տեղի են ունեցել կամայականություններ:
