«Մարտի 1-ի գործով» անցնող Սեյրան Օհանյանի պաշտպան Կարեն Մեժլումյանը հայտարարություն է տարածել՝ նշելով, որ այսօր՝ դեկտեմբերի 1-ին, դատական նիստը հետաձգվել է պաշտպանի կողմից երեկ ներկայացրած դիմումի հիման վրա:
«Երեկ դատարանից զանգահարել են և տեղեկացրել, որ հետաձգման դիմում է ստացվել:
Որոշ լրատվամիջոցներ տարածում են, որ դատական նիստը պարոն Սեյրան Օհանյանի պաշտպանի, մասնավորապես Կարեն Մեժլումյանի չներկայանալու պատճառով է հետաձգվել:
Նման լուրերը ապատեղեկատվություն են, քանի որ պարոն Օհանյանի պաշտպանական թիմը գործի քննությունը հետաձգելու միջնորդությամբ հանդես չի եկել: Խնդրում եմ թյուրիմացություն, ապատեղեկատվությունն ուղղել:
Հ.Գ. Զանգահարել ենք դատարան, որտեղից հայտնել են, որ դատարանը դատական նիստը բացել է, հայտարարել հետաձգման դիմում ներկայացնելու մասին և հետաձգել: Իմ կամ Ինեսսա Պետրոսյանի չներկայանալու պատճառով դատական նիստի հետաձգման մասին խոսք չի գնացել»։
