«Մոդուս Վիվենդի» հետազոտական կենտրոնի հիմնադիր-ղեկավար, քաղաքագետ Արա Պապյանը ֆեյսբուքյան իր էջում գրել է.
«Ի տեղեկություն
Քանի որ բազմաթիվ զանգեր ենք ստանում, հարկադրված եմ տալ որոշակի հստակեցում.
Այսօր (18.11.2020թ.) ՀՀ քննչական կոմիտեի Երևանի քննչական վարչության ծանր հանցագործությունների քննության բաժնում մեր կարգավիճակը փոխվեց՝ կասկածյալի կարգավիճակից այն դարձավ մեղադրյալի կարգավիճակ:
Հիշեցնեմ, որ Ազգային ժողովրդավարական բևեռի նախաձեռնող խմբի անդամները մեղադրվում են ՀՀ քրեական օրենսգրքի 225.1 հոդվածով, այն է՝ օրենքի սահմանված կարգի խախտմամբ հավաք կազմակերպելը և անցկացնելը»:
Նշենք, որ Քրեական օրենսգրքի 225․1 հոդվածի 1-ին մասով սահմանվում է օրենքով սահմանված կարգի խախտմամբ հավաք կազմակերպելը և անցկացնելը, որը պատժվում են տուգանքով՝ 200․000-300․000 դրամի չափով, կամ կալանքով՝ առավելագույնը երկու ամիս ժամկետով:
