Առողջապահության համաշխարհային կազմակերպությունը կոչ է արել աշխարհի կառավարություններին պատրաստվել նոր համաճարակի: Համապատասխան հաղորդագրությունը հրապարակվել է ԱՀԿ կայքում Առողջապահության համաշխարհային ասամբլեայի 73-րդ տարեկան նստաշրջանին ընդառաջ: Այս մասին հայտնում է РИА Новости-ն։
«Անցյալ տարի մենք տեսանք, որ ամուր ենթակառուցվածքներ ունեցող երկրները <…> արտակարգ իրավիճակներին պատրաստ լինելու առումով կարողացան արագորեն գործել SARC-CoV-2 վիրուսի տարածումը զսպելու և վերահսկելու համար», – ասվում է հաղորդագրության մեջ:
Ըստ ԱՀԿ-ի՝ ամբողջ աշխարհում գրանցվել է կորոնավիրուսային վարակի ավելի քան 48,1 միլիոն դեպք: Համաճարակը խլել է ավելի քան 1,23 միլիոն մարդու կյանք:
