Կորոնավիրուսային հիվանդության դեմ պայքարում միջազգային համագործակցության և փոխօգնության շրջանակներում ՀՀ ԱՆ Հիվանդությունների վերահսկման և կանխարգելման ազգային կենտրոնում տեղի է ունեցել աշխատանքային հանդիպում-քննարկում:

Այս մասին տեղեկացնում են առողջապահության նախարարությունից։

Լիտվայից Հայաստան ժամանած փորձագետների և հայ մասնագետների մասնակցությամբ քննարկումն անցկացրել է առողջապահության նախարարի տեղակալ Լենա Նանուշյանը:

Կողմերը քննարկել են երկու երկրում կորոնավիրուսային հիվանդության դեմ պայքարի և կանխարգելման ուղղությամբ ձեռնարկված միջոցառումները։