Կենտրոն վարչական շրջանի ղեկավար Ավետ Պողոսյանը ֆեյսբուքյան իր էջում գրառում էկատարել, որում ասվում է․
Սիրելի քաղաքացիներ,
Այսպիսով` մեկնարկում է Օղակաձև զբոսայգու` հանրությանը վերադարձի գործընթացը: Այգու 6-րդ հատվածի հիմնանորոգման ծրագիրը մտնում է գործնական փուլ: Այգու վերադարձը հանրությանը մայրաքաղաքում իրականացվող առաջնահերթ ծրագրերից է և առաջիկա ամիսներին կյանքի կկոչվի`անկախ այսօր երկրում ծառացած խնդիրներից և որոշ բյուջետային ծախսերի կրճատումներից:
Երևանի քաղաքապետ Հայկ Մարությանի անմիջական հոգածությամբ հաստատված հիմնանորոգման ծրագրով ներկայումս անմխիթար վիճակում գտնվող այգին կբերվի նոր տեսքի: Կապամոնտաժվեն զբոսայգում տարիներ շարունակ անխնամ վիճակում գտնվող ապօրինի կառույցները, տարածքները կկանաչապատվեն, կանցկացվեն լուսավորության և ոռոգման նոր ցանցեր, կիրականացվեն ժամանակակից կահավորման աշխատանքներ:
Օղակաձև զբոսայգու նշված հատվածի հարևանությամբ արդեն իսկ ընթանում են հանրային սքեյթ-պարկի կառուցման աշխատանքները:
Այսօր այգում կատարած շրջայցի ընթացքում պատասխանատուների հետ հստակեցրել ենք առաջիկա անելիքները`տարածքը հնարավորինս արագ բարեկարգելու, քաղաքացիների համար այն անվտանգ և հարմարավետ դարձնելու, ինչպես նաև նոր լուծումներով այգին հատված առ հատված հանրությանը վերադարձնելու, կանաչապատ տարածքները պահպանելու ու ընդլայնելու համար:
![На изображении может находиться: один или несколько человек, люди стоят, дерево, растение, на улице и природа](https://scontent.fevn6-1.fna.fbcdn.net/v/t1.0-9/s960x960/101834802_3154730271254780_6908402183482376192_o.jpg?_nc_cat=103&_nc_sid=110474&_nc_ohc=fSPZGsqIWe4AX-PSzJK&_nc_ht=scontent.fevn6-1.fna&_nc_tp=7&oh=8fd8a8a6edc6ac2fcf9b765f242db6b3&oe=5EFBC1B0)
![На изображении может находиться: дерево, растение, небо, трава, на улице и природа](https://scontent.fevn6-1.fna.fbcdn.net/v/t1.0-0/p640x640/102737159_3154730311254776_4056532199447461888_o.jpg?_nc_cat=104&_nc_sid=110474&_nc_ohc=EQRODWy9Xi4AX9Mf9tQ&_nc_ht=scontent.fevn6-1.fna&_nc_tp=6&oh=d0b6213565ed847567454e2bf0d4f80c&oe=5EFBBB00)