Րոպեներ առաջ կառավարությունը Հայաստանի Հնարապետությունում հայտարարեց արտակարգ դրություն՝ կորոնավիուսի պանդեմիայով պայամանվորված։

Իրավաբան․net-ը Կառավարության որոշումը հասանելի կերպով ներկայացնում է հանրությանը։

Հայաստանի Հանրապետության ամբողջ տարածքում արգելվում է հավաքների և գործադուլների կազմակերպումը, անցկացումը և դրանց մասնակցելը:

Պարետի որոշմամբ սահմանված տարածքներում արգելվում է հանրային միջոցառումների կազմակերպումը, անցկացումը և դրանց մասնակցությունը:

Նշենք, որ պարետ է նշանակվել փոխվարչապետ Տիգրան Ավինյանը։

Հանրային միջոցառումներ են 20 և ավելի անձանց մասնակցությամբ անցկացվող հետևյալ միջոցառումները.

1) համերգները, ցուցահանդեսները, ցուցադրությունները, թատերական ներկայացումները և սպորտային, մշակութային, կրթական այլ միջոցառումները,
2) ժամանցային միջոցառումները,
3) տոնական և հիշատակի միջոցառումները, ներառյալ, բայց չսահմանափակվելով` ծննդյան (տարեդարձի), հարսանյաց (նշանադրության), թաղման միջոցառումները,
4) պարետի ցուցումով որպես հանրային միջոցառում որակված այլ միջոցառումներ:

Այսինքն, անձինք կարող են իրականացնել անձանց թաղման, ծննդյան, հարսանյաց միջոցառումները՝ մինչև 20 մարդու մասնակցությամբ։ 

Կարդացեք նաև՝

• Ինչպե՞ս են տեղաշարժվելու ՀՀ քաղաքացիները ՀՀ տարածքում և դրանից դուրս՝ արտակարգ դրության պայմաններում