Ինչպես ավելի վաղ հայտնել էինք, զինծառայող Արա Մխիթարյանի առողջությանը դիտավորությամբ ծանր վնաս պատճառելու դեպքի առթիվ հարուցված քրեական գործով որպես մեղադրյալ են ներգրավվել Հարություն Գրիգորյանը և նրա եղբայրը՝ Զավեն Գրիգորյանը:
Ըստ նախաքննության հայտնած տվյալների՝ Հարություն և Զավեն Գրիգորյանները բռունցքով և մահակով հարվածներ են հասցրել Արա Մխիթարյանի գլխի շրջանին ու նրա առողջությանը դիտավորությամբ պատճառել ծանր վնաս:
Այսօր լրագրողների հետ հանդիպման ընթացքում Զավեն Գրիգորյանի ներկայացուցիչ Լևոն Սահակյանը նշեց. «Դեպքի պահին Զավեն Գրիգորյան նշված վայրում չի եղել և դա մի շարք փաստերով ապացուցված է, իսկ Արա Մխիթարյանը և նրա ընկերները ալկոհոլի ազդեցության տակ են եղել»։
Գործով մեղադրյալ Զավեն Գրիգորյանը նշեց, որ շատ բան կցանկանար պատմել, սակայն ելնելով նախաքննությունից այս պահին շատ բան ասել չի կարող:
Նշենք, որ մեղադրյալ Հարություն Գրիգորյանի նկատմամբ որպես խափանման միջոց կիրառվել է կալանավորումը, իսկ Զավեն Գրիգորյանը օրեր առաջ գրավի դիմաց ազատ է արձակվել:
Մանրամասները՝ տեսանյութում
