Երևանի «Զվարթնոց» օդանավակայանում կայանման արժեքը 2020-ի հունվարի 15-ից կթանկանա:
Այս մասին Իրավաբան․net-ին հայտնում են «Զվարթնոց» օդանավակայանի մամուլի քարտուղար Սաթենիկ Հովհաննիսյանը:
Կայանման համար նախատեսված վճարումներն առանձին ժամերի առաջացնում են խցանումներ: Դրանցից խուսափելու, ինչպես նաև համարագի ավտոմատացման համար դրամարկղում վճարող քաղաքացիների համար 1 ժամվա դեպքում կսահմանվի 800 դրամ վարձավճար, 1-5 օր կայանելու համար՝ օրական 3000 դրամ, 5-30 օրվա կայանումն օրական կարժենա 15 հազար դրամ:
«Գործող սակագներով վճարումներ կատարելու հնարավորություն ևս կլինի՝ շենքի ներսում գործող վճարային տերմինալներից օգտվելու դեպքում: Անհրաժեշտ է միայն դուրս գալիս ցույց տալ կտրոնը»,-նշում է նա:
Հիշեցնենք, որ այժմ «Զվարթնոցում» մեկ ժամ մեքենա կայանելու համար նախատեսված է 500 դրամ, ընդ որում մեքենան 10 րոպե կայանել հնարավոր է անվճար: Եթե մեքենան կայանվում է 1-5 օր, օրական վճարվում է 2000 դրամ, 5-30 օրվա կայանումն արժե 10,000 դրամ:
